Suðurhlíðarskóli
Suðurhlíð 36
105 Reykjavík
sími 568-3725
sudurhlidarskoli@simnet.is
vefur á Skólatorgi

 

Þú ert velkomin(n) í heimsókn í skólann að Suðurhlíð 36 hvenær sem
er, eða þá getur þú sent
okkur tölvupóst í netfang sudurhlidarskoli@simnet.is

Í Suðurhlíðarskóla er lögð áhersla á það að mennta börn til þess að verða HEILSTEYPTIR einstaklingar.

Hvað gerir skólinn til að stuðla að því að börnin verði heilsteypt?
Þar sem Suðurhlíðarskóli er kristinn skóli er lögð áhersla á að endurspegla kristið gildismat. Þetta lýsir sér í því að lögð er áhersla á að ala upp heilsteypta einstaklinga, einstaklinga sem hafa þróað með sér allt í senn, vitsmunalegan, andlegan og líkamlegan þroska. Mikil áhersla er lögð á að hjálpa nemendum að læra sjálfstæða og gagnrýna hugsun svo ákvarðanir þeirra megi verða þeim og öðrum til velfarnaðar.
Skólastarf snýst ekki bara um nám. Öflugt nemendafélag starfar við skólann undir leiðsögn kennara. Nemendafélagið skipuleggur skemmtanir svo sem árshátíð, spilakvöld, ferðalög og margt annað skemmtilegt fyrir nemendur í eldri bekkjum skólans. Á öllum skemmtunum skipulögðum af nemendafélaginu er að minnsta kosti einn kennari viðstaddur.
Nemendur yngri bekkja halda bekkjarkvöld sem gjarnan eru samstarfsverkefni nemenda, foreldra og kennara.